బాబ్ ప్రోక్టర్, స్వయం సహాయక (Self help) పుస్తకాలను అత్యద్భుతంగా రచించే కెనడియన్ రచయిత. తన పాఠశాల చదువు వదిలిపెట్టిన తర్వాత అతను అనేక ఉద్యోగాలను చేసాడు. జీవితంపట్ల తన దృష్టి మారిన తర్వాత తన జీవితంలో పెను మార్పు సంభవించినదని స్వయంగా చెప్పుకున్నాడు. అధికారిక విద్య లేకపోయినా, అనుభవం లేకపోయినా అతను స్థాపించిన క్లీనింగ్ సేవల సంస్థ గొప్ప లాభాలను సంపాదించింది. ఒక వ్యక్తి జీవితంలో ఆకర్షణ చట్టంద్వారా మార్చలేనిది ఏదీ ఉండదని ప్రోక్టర్ గట్టిగా విశ్వసిస్తాడు. విజయం గురించి చాలామందికి ఉన్న అపోహ ఏమిటంటే విజయాన్ని సాధించడానికి ఎక్కువ గంటలు కష్టపడి పని చేయాలని! ఇలాంటి అపోహలను బాబ్ పటాపంచలు చేసాడు. ఎందుకంటే మీ వ్యక్తిత్వ నమూనాను మార్చుకోకుండా, ఎంత కష్టపడి పని చేసినా, ఎన్ని ఎక్కువ పని గంటలు చేసినా మీ విజయంలో చెప్పుకోదగిన, శాశ్వతమైన మార్పు ఉండదని హెచ్చరించాడు.